OKONGO- Osipana ya shiivika nawa Chula Chula oya findana po ekopi lomaudano aa ningwa omudo keshe a lukilwa omulumenhu wotete woshilongo Lieutenant General Epaphras Denga Ndaitwah oneudo okuli mOkongo moshitukulwa shaHangwena. Omaudano otaa okwa li ko oshivike sha dja ko modoolopa yaKongo. Chula Chula okwa findana konima eshi a denga mo osipana yo DT Meds... The post Chula Chula a findana po ekopi loudano wa ‘Denga Ndaitwah’ appeared first on New Era .
OKONGO- Osipana ya shiivika nawa Chula Chula oya findana po ekopi lomaudano aa ningwa omudo keshe a lukilwa omulumenhu wotete woshilongo Lieutenant General Epaphras Denga Ndaitwah oneudo okuli mOkongo moshitukulwa shaHangwena.
Omaudano otaa okwa li ko oshivike sha dja ko modoolopa yaKongo.
Chula Chula okwa findana konima eshi a denga mo osipana yo DT Meds keepelendi 1:0.
Osipana ya findana oya pewa omakopi neembadi osho yo oshimaliwa shi fike N$45 000.
Omanga osipana yoDT Meds oye ya ponomola onhi-2 oya pewa N$33 000.
Osipana Rundu Chief oye ya ponomola onhi-3, oya pewa N$15 000.
Namibia Correctional Service oya findana po oudano wokatanga komokambamba, ponomola yotete eshi ya pewa N$15 000.
Omanga oudano wokatanga kokeenyala Namibia Correctional Service, natango oye a findana ponomola yotete, ya pewa N$15 000.
Omaudano aa oha dimbulukwa omudo keshe okuyandja efimaneko nokutumbaleka Ndaitwah molwoilonga iwa a longa.
Ndaitwah okwa li natango oye ta komanda oshikondo shetanga leameno okudja omudo 2011 fiyo 2013.
Ndaitwah naye oku li omukalimo womOkongo naashi osha eta etumba kuye mwolwa okulukilwa omaudano aa.
Omunashipundi noku li omuunganeki womaudano aa, Jerobian Nande okwa ti oudano owa enda nawa pehe na oupyakadi wonhumba wa lopotwa.
Okwa ti omaudano aa okwa tamekele pefimbo Ndaitwah a li kakukutu komatanga eameno.
“’Odoolopa yaKongo okwa li i hadi omwaalu wovanhu vahapu ta va dja koitukulwa ya yooloka okukufa ombinga momaudano,” ta ti.
Okwa ti omaudano aa okwa fimana shaashi okwa eta ovanyasha va longife ounongo wavo tashi pitile momaudano.
“Natango, omaudano aa okwa fimana shaashi otaa eta ovanyasha pamwe va hangane nokufela pamwe,” ta ti.
Okwa hokolola ta ti ovanangeshefa va dja momudingonoko waKongo ova mona omhito yokulandifa oinima yavo osho yo oikunwa.
Onghee okwa weda po omaudano natango okwa lalakanene okuetela oshiwana oyuuyemo.
Okwa ti Ndaitwah naye opo a li pefimbo lomaudano aa takufa ombinga sho yo okukala a patulula omaudano pambelewa.
The post Chula Chula a findana po ekopi loudano wa ‘Denga Ndaitwah’ appeared first on New Era.
