Hambeleleni Daniel Kansela woshikadjohololo shOngwediva Johannes Ngololo okwa ti naku kalekwe po odjokonona yomapendafule. Eshi okwe shi popi pefimbo ali ta tula ongala keendo lomapendafule eli avali, Kauna-Pawangula Shindodi na Naemie Ndikuwa shindodi momafiku eshi ali 26 Aguste neudo momukunda Ongali. Kansela okwa ti ovamwainafana ava ova kanifa eemwenyo ndavo pefimbo loshilongo Namibia kwali tashikolonyekwa... The post Ondjokonona yoonakulwa vakulu nayi kalekwe po – Ngololo appeared first on
Hambeleleni Daniel
Kansela woshikadjohololo shOngwediva Johannes Ngololo okwa ti naku kalekwe po odjokonona yomapendafule.
Eshi okwe shi popi pefimbo ali ta tula ongala keendo lomapendafule eli avali, Kauna-Pawangula Shindodi na Naemie Ndikuwa shindodi momafiku eshi ali 26 Aguste neudo momukunda Ongali. Kansela okwa ti ovamwainafana ava ova kanifa eemwenyo ndavo pefimbo loshilongo Namibia kwali tashikolonyekwa kovatiliyane momafiku 17 Malisa 1987.
Ta ti mefiku olo oiti oyali yeli teyela momukunda Ongali ndelo nafiyo osheshi sha katwalela eemwenyo ndomukulu nondenge. Kansela okwa weda po kutya elalakano linene okudimbulukwa oohailwa mekodjo ava okukaleka po odjokonona yoshilongo shetu nokushiivifila epupi eli opo leya nali tali keya kutya oshike lela shaningilwe po.
“Oshinima eshi osheyange ashike komwenyo onghela ndelo handiningi etokolo eli opo tuhongaleni apa nena. Molwaashi otwa kala noku konga ekwafo kova leli vetu shina sha noohailwa ava ndelo ohava ti ashike ota veya ndelo ita va fiki,” Ngololo ta ti.
Omufita womukulupe eli moshipundi shetulumuko tatekulu Nakale Shekunyenge okwapula epangelo opamwe nongundu yo Swapo itale ovadali ovo vena ovanhu vavo va xulifila moita ,ta ti ova pumbwa okupewa ehekeleko olo tali feta po omahodi avo,opo vandule okuxupula oludalo lavo.
Herman Kalumbu umwe womaakulupe okwa hokolo pauxupi kutya oonakufya ova lyatelwa mondunda kekashipeli eshi kwali vaya mendunda vaka hondame ngeno.
Okwa ti pefimbo va hangika komutondi ka kwali va hapu okwali ashike veli -30 osho ne ina ve ke shipondola.
“Ekodjelo manguluko ka kwali lipu ndelo okwali lilula. Vakwetu vamwe ova kanifila mo eemwenyo ndavo vamwe va ninga oilema ashike ame ohandi pandula tate kalunga,” Kalumbu ta ti.Omupresidente Netumbo Nandi-Ndaitwah onghela okwa yadje omapandulo kovakodjeli manguluko koWindhoek.
Natango omuPresidentee okwa yandja eembandi doupendafule kokamatyona keedula 16 Kornelius Shimuafeni a dja moshitukulwa shaMusati omolwa iilonga a longa.
–hambelelenindaniel56@gmail.com
The post Ondjokonona yoonakulwa vakulu nayi kalekwe po – Ngololo appeared first on New Era.
Follow the story
