Miisaaniyadda Puntland oo Hoos u Dhacday 34% Laba Sano Gudahood.

Puntland ayaa meelmarisay miisaaniyadda dowladda ee sannadka 2027 oo dhan $308.2 milyan, taas oo $7.6 milyan ama 2.4% ka yar miisaaniyaddii 2026 oo ahayd $315.8 milyan.

Miisaaniyadda Puntland ayaa si weyn hoos ugu dhacday tan iyo 2025, markaas oo ay ahayd $466.8 milyan. Sannadkii 2026 waxay hoos ugu dhacday $315.8 milyan, taas oo ka dhigan hoos-u-dhac dhan 32.4%.

Sidaas darteed, marka la barbar dhigo 2025, miisaaniyadda 2027 waxay hoos u dhacday ku dhowaad $158.6 milyan, oo u dhiganta 34%.

Hoos-u-dhaca ugu weyn wuxuu dhacay 2026, waxaana lala xiriiriyay yaraanshaha maalgelinta mashaariicda caalamiga ah. Miisaaniyadda 2027 ayaa Puntland sheegtay in lagu saleeyay kordhinta dakhliga gudaha iyo maaraynta kharashaadka.