Iipinge a yandja edu lukutungwa oupale

Hambeleleni Daniel

Ngoloneya woshitukulwa shaShana Hofni Iipinge Olomakaya okwa yadja edu lokutungwa oupale pambelewa komahangano okutunga opo va hovele okutungila.

Oupale otava kangwa moikandjohoololo ya yooloka oshitukulwa ngaashi: Onamutai osho yo Eheke. Etemo ola teelelwa li ka ye momupini momafiku 11 Oktoba neudo. Otaku hokololwa oupale va tengenekwa tava kapwa okutungwa mu Apilili omudo tau ya.

Iipinge okwa ti ovatungi ova teelelika va ka tunge oupule vomaundano a yooloka ngaashi okapale kokatanga komokambamba, okapale ketanga lokemadi,okapalale kokutondoka navakwao va wedwa po.

Okwa ti oupale ava otava ka yadja omhito kovanyasha opo va kale tava kufa ombinga momaudano nokuulika oitalendi yavo ita va ende oinano ile okuya koupale vamwe.

Iipinge okwa ti oupale ava ngeenge va tamekwa okutungwa, ova teelelwa va ka yandje omhito yoilonga kovakalimo vomomudingonoko.

“Onda hala keshe ehangano lokutunga ta li ka kufa ombinga ponnhele apa li kale la kuta ovanhu okudja momudingonoko omu,” Ngoloneya ta holola ngaho.

Iipinge okwa kunghilila ovatungi kutya ngeenge tava ka tameka okutunga nava kale ve na oshiwana komutima ndele inava longa tava taata oshimaliwa.

“Natu longe ni oshilongo shetu tweli tula mo ndele hakambweenga. Atushe ni atuka tunga apa Ovanamibia ndele katu fi kutya pamwe Ovachaina. Oshinima eshi hatu tunge ni apa oshetwe ni, onghee natu longe ni nolukeno,” ta indile.

Okwa ti ava va pumbwa ekwafo nava pule. Ta ti nava longe nefimbo ndele haku tondoka ashike.

Okwa ti ou taka longa nonyalo otaka tewaatewa pehe na nande oudano.

Omanga ou taka longa nondjungu otaka twikila naye natango koupale ava tava ka tungwa keenhele dikwao.

–hambelelnindaniel56@gmail.com

The post Iipinge a yandja edu lukutungwa oupale appeared first on New Era.