Kamwi ukwalula mungendenge wakufayela kwaBukalo

KATIMA MULILO – Ndumeleti wabutuku bwamalaria mwasikiliti saZambezi Richard Kamwi, Lamubulo nakwaluzi simubuso mungendenge wakufayela mwamandu kwaBukalo mwasilalanda saKatima yaMatakanyani, mwasikiliti saZambezi.

Kamwi, ili yene ili likwambuyu wamakete, nabulezi ni likwata zefayela mwamandu pili lisika kala kale musebezi. Sikiliti saZambezi nesikalile musebezi wakufayela mwamandu, okamata kuisa la11 Ñulule 2026.

Kamwi nahatelezi hala litaba zabutokwa zakutibela butuku bwamalaria kono nabilaezi kuli kufayela kwanako yacwale kwa40% kumwatasaa sikonkwani sa80% sesitomilwe ki Katengo Kamakete aLifasi.

Sikiliti saZambezi siabilwe mwalilalo zetalu, mi Bukalo kiyeñwi zazona. Bukalo inani batu bamashumi amane baba abilwe mwalikwata. Likwata zeñwi ki Schuckmannsburg, Lisikili, Ngoma, Chinchimani, Masokotwani, Sangwali, Kasheshe, Sibbinda, Sesheke, ni Chetto.

Kamwi nakupile manduna baminzi kuamuhela babafayela mwamandu ni kubakwalulela mandu kutusa mwakulwanisa butuku bwamalaria. Naize kuzwa makalo asilimo se, batu bamashumi amabeli kaalimuñwi batimezi kwabutuku bwamalaria, hakubapanywa kubalishumi kabalobañwi bane batimezi ñohola. Kamwi, mwamaikuto ahae naize buñata bwamafu ao neili abanana babali mwatasaa lilimo zeketalizoho ni basali babaitwezi.

“Kualabela kuzeo kona libaka halulifa kacenu. Likolo liketile kuyandulula likwata ni kulitunafaza… baana ni basali babafilwe lituto baswanela kueza zebaziba kueza,” nabulezi. Ndumeleti nahatelezi kuli haiba sikiliti ni libaka zeñwi mokunani butuku bwamalaria kuli haiba babafayela mwamandu inge baeza musebezi wabona kukabani ponahalo yende.

“Nakona kumisepisa kuli sikiliti sikona kubani kufukuzeha kwabutuku kakuli palo yaminañi yetisa butuku bwamamalari ikakutela fafasi, kuyambukela kukakutela fafasi, mi kukatusa kufukuza mafu amalaria,” nekubulezi Kamwi.

Kanako yakutabela mukiti waLusata wasilimo, mubusisi wasikiliti saZambezi Dorothy Kabula-Simushi nafitisize manzwi akubilaela bakeñisa lipiho zamalaria zebihilwe mwasikiliti, mi lipiho zelikana 30 000 neli bihilwe kuzwa Sope kutisa 20 Muimunene 2026, hakubapanywa ni 25 716 yalipiho mwanako yeswana ñohola.

Naize kuekezehako, kutaha bakeñisa batu babahanela babafayela mwandu kukena mwamandu abona, mi nakupile sicaba kuswalisana ni mungendenge wo. “Alulwanise sila se hamoho,” nekubulezi,” Kabula-Simushi.

The post Kamwi ukwalula mungendenge wakufayela kwaBukalo appeared first on New Era.