Etengenekothaneko lyOshakati lya piti

**Victoria Immanuel **

OSHAKATI – Elelo lyondoolopa lyOshakati olya ti etengenekothaneko ndyoka lya li lya kwata elelo okutameka okufuta mboka taya tembudhwa momalukanda o lya pita.

Omalukanda ngoka taga tembudhwa mOshakati oga kala ga tegelela eyamukulo kutya uunake taya tembudhwa nkene ya ningilwe omayalululo.

Omunashipundi gokomitiye gwelelo lyondoolopa lyOshakati Hofni Mutota moonkudathana noshifo shika okwa ti “Shoka shali shetu kwatwa osha potokonuka, onkene ondi wete kutya iilonga ka yili kokule okutameka,”.

Omukuluntu melelo lyondoolopa lyOshakati Timoteus Namwandi okwa ti olukanda Oneshila ota li ka ukulilithwa nokutungwa pamuthika gondoolopa.

Ta ti, elalakano okuhulitha po oombashu, onkene mboka yeli ngaashingeyi molukanda Oneshila ihe oye na ehalo no taya vulu, otaya ka pewa omahala koExtention 1, hoka taya ka tungilwa omagumbo okupitila mooproyeka dhokutungila aantu omagumbo

Ta ti ondoolopa yaShakati momimvo ndhokomeho otayi ka ninga oshilando oshoka shoka ya thanekela Oshakati, uuwanawa owindji.

Maria Kanguluwe gumwe gomwaamboka taya tembudhwa okwa ti otaya indile elelo lyi yalule nawa opo ya vule okuetapo natango omagumbo gopamuthika goshinanena.

Omukalimo gwomolukanda Oneshila Cornelia Thobias okwa ti kaye na nando uupyakandhi wokwaatembudhwa, sha ike elelo yondoolopa ta li ya etele omayakulo popepi. *-vkaapanda@nepc.com.na *

The post Etengenekothaneko lyOshakati lya piti appeared first on New Era.