Ovalongifi novatwaalelwa veetuwa do Yango ova indilwa opo va kale tave li ufa keemhango nomilandu dili po ngeenge tava longifa eelefa daYando.
Omukulunhu weelefa da Yango moNamibia Alex Mungai okwa ti ovatwaalelwa novashingi aveshe nava longife omilandu odo da tulwa po.
Eshi okwe shi holola momukanda wa pitifwa kehangano e li.
Mungai okwa tumbula kutya eshi otashi kwafele ovatwaalelwa novashingi keshe opo va longele kumwe ngeenge pwa holoka oudju wonhumba.
“Ovatwaalelwa nava kale veli ufa komilandu odo da tulwa po ngeenge tava longifa oulefa vetu,” Mungai ta ti.
Okwa ti ovatwaalelwa nava kale hava tale efano lomushingi ,edina nouyelele unasha noshiendifo komalungula oo haa longifwa onomenawina kovatwaalelwa novashingi va Yango, haka longifwa mongodi okutula mo eindilo lolefa ngeenge wa uka konhele yonhumba nomushingi ta nyamukula ngeenge oku li popepi nomutwaalelwa oo.
Mungai okwa kunghilila ovatwaalelwa opo va ha longife oulefa ovo ve na ouyelele itau tu kumwe nouyelele ou tau ulike uli kepandja la Yango hano ko ka App ka Yango.
Natango okwa weda po ta ti ovatwaalelwa oshiwa ngeenge tava shiivifile ovakwanedimo nookahewa vavo ngeenge va yuka momalweendo.
Mungai okwa ti eshi otashi va kwafele unene tuu ngeenge tava ende uufiku ilo ovo aveke.
Okwa ti koka App kedina SOS oko ovatwaalelwa tava dulu okulongifa ngeenge pwa holoka oupyakadi opo va kwatafane nopolifi nosho o eeambulance.
Natango otava indile opo ovakwashiwana va kale hava lopota oiningwanima oyo inava hafela mokulongifa epandja lokomalungula hano okaApp ka Yango.
-hambelelenindaniel56@gmail.com
The post Yango ina hala ombwela meetuwa daye appeared first on New Era.
