Oshikoto shamona eembola o 12 domeva dipe

Epangelo oku dilila kouminiesteli wounamapya, omeva, eeshi nomadu owayandja eembola dili o 12 odo dafewa koshitukulwa shaShikoto opamwe nee pomba hamano odoku pomba omeva meemboolola omu oshoyo ominhino da yooloka odo danuninwa oku handjakaneka omeva moshitukulwa.

Edi oda yelifwa komupedu minista wouminitesteli Ruthy Masake pefimbo vali vaka tyapula efiku linasha nefimano loikulya moshitukulwa olo lali ladimbulukilwa komukunda Onyaanya Etitano.

Masake okwa yelifa kutya oshitukulwa osha kala she li hanenwa kenota lomatutu, doo eembola edi da kalamo oda kala dina omeva oshimongwa oo iha a dulu okunuwa kovanhu oshoyo koimuna doo vali okwa li dishona.

“Onghalo natango oya kala yaya eemhito doku ninga ounamapya moshipalal shaashi ovakalimo ovakala veli momhumbwe yomeva neenghono,” ta ti.

Okwa ti konima eshi epangelo la yakula olopota tai tongo omaupyakadi aeshe aa, ola ninga onghedabala opo oshitukulwa shidule oku mona eembola odo tadi dulu oku kufwa oshiwana shihapu lela moshitukulwa, doo vali kadina omeva anyika oshimongwa.

Omupedu minista okwa twikila kutya oshikumungu shovanhu tava ende oinano ile vaka teke omeva neendongi voo vamwe oko mutwe nasho osha kala yoo tashi hepeke ovanhu neenghono, nonghalo oye vakwafela lela opo vadule oku li kwafa momukalo wapupala lela.

Molwaashi edi oda popiwa pefimbo Namibia ali ta tyapula efiku lefimano loikulya moshiwana, Masake okwa lombwela noku pandula ovanaafalma eshi ihava sholola mokulonga okulya yavo.

“Ondishishi kutya otuli moshilongo shina odula oyo ihatu kala lela tushii kutya otai kaloka yafa peni noshutuu, fimbo limwe okuna omuloka, fimbo liwe kakuna omuloka, fimbo limwe okuna omutenya noshikukuta shamatutu, ashike alushe ohatu kendabala okufya oshisho kutya otwa longa, neteyo keshe hatu kamona ohatu li pandula ashike noku li tula moilonga,” Masake ta ti.

Minista okwa ti omashongo aa alushe ohaa eta ovanhu vakale vehena aeshi tavali voo vamwe tava mono oixuna komadilaadilo shaashi momapya omo hava dulu noku mona okafilinga kavo, ashike epangelo oha lifi oshisho kutya ngeenge oshiwana oshe li hange moshikumungu shili ngaha, olina ashike okufya oshisho kutya olayamo eenyala moku yandja omakwafo.

[email protected]

The post Oshikoto shamona eembola o 12 domeva dipe appeared first on New Era.