Muha ueleza baituti kutabela Mutomopuso

KATIMA MULILO – Muinasipula waNdu yaMulao yaBubeli Lukas Sinimbo Muha ususuelize baituti kubani takazo mwaMutomopuso wanaha Namibia ni litaba zandu yamilao, naize bayahi banaha baswanela kuutwisisa kalulo yebabapala mwakushenga milao nikubona kuli mubuso uba ni buikalabelo.

Hana bulela kwabaituti ni maticele kwasikolo salitopa zwakwahalimu saCaprivi mwamungendenge wandu yamilao wakuhasanya lisebelezo Lamubulo, Muha naize Mutomopuso waNamibia neili muhato omutuna kufunduka kusiya milao yabukoba yene kaliketilwe ki kamaiso yanaha German ni South Africa.

Natolokile kuli kanako yakamaiso yabukoba, milao ne eziwa ki mibuso yakwande nikuhapeleza bayahi banaha Namibia kuilatelela, hañata kutaleleza litakazo zakamaiso yamazwahule kufita yasicaba. Muha naize tukuluho nefile naha Namibia kolo yakutahisa milao yateñi kaMukopano waKatengo kaMutomopuso, kone kunani limembala ze72, kane kafilwe musebezi wakubakanya Mutomopuso wapili wanaha Namibia kasamulaho aliketisa za1989.

Naize Mutomopuso nofelile mwakweli yaYowa 1990 nikuamuhelwa Namibia hane itukiseza tukuluho la 21 Liatamanyi 1990, kusupeza tahiso yakuli Namibia ibe ni mutomopuso wayona. Muha nahatelezi kuli milao ki yabutokwa hala zwelopili yanaha, kuhula kwasifumu ni buino sakata bwasicaba, nasusuelize baituti kuitumela hala butokwa milao mwakubupa muinelo wasicaba.

“Haiba mufiwa kolo yakuikezeza milao mina beñi kapa yasicaba, kana kikuli mulao wo ukamibeya kwalineku lelinde kapa lelimaswe?” abuza baituti. Naize bayahi banaha Namibia baswanela kuutwisisa kuli milao yakona kuba yeminde kamba yesa amuhelwi ki sicaba kutingile feela moipangezwi, kacwalo kuikambota ni sicaba hakueziwa milao ki kwabutokwa.

The post Muha ueleza baituti kutabela Mutomopuso appeared first on New Era.