Malaria momukunda gwaZambezi guna kanduka dogoro 33 349

Chinchimani- Zambezi, nguuru gomukunda Zambazi Dorothy Kabula kapindwire magano govantu omu kageve sivaro esi sina zeruka ngesi somalaria momukunda gwendi sina siki ko 33 349 esi vana gava mosivike esi kasipwire zokwedi kwaSitarara 2026 kutunda tupu ketameko lyomvhura ezi.

Kabula katente asi sivaro esi kuna kara sina zeruka unene mokuhetakanesa 25 716 yina kara asi yina lisigi unene kuhetakanesa nosivaro somvhura ezi zina puko siruwo seesi. Apa nye kakahuyungire posilika sankenye mvhura Lusata Cultural Festival, pevango lyekurona lyovaMafwe poChinchimane, Kabula katente asi vantui 21 nare vadogoroka komalaria mvhura ezi, mokuhetakanesa no 19 womvhura ezi zina puko. ‘’Eyi kuna kara yidigu unene muna kara nomagano gana karamo age natuvhura kuhuyunga,’’ yimo ana kutunta. Kabula kahundilire vatungimo varuganene kumwe nombudi ezi zina kupombera momambo vatjide Malaria asi vahepa kuvapulisira vapombere mambo gawo.

Age katente asi vatungimo vamwe kuna kupata mambo gawo apa vana kumona asi wokupomberera kunakuyasika pomukunda gwawo, awo kuna kara negano asi tavapopere mukisi ogu. ‘’Ame kunakumuhundira namuvenye asi tupaturureni mambo getu yipo vagapombere,’’ yimo ana kutanta simpe Kabula.

Age kuna kuhundira mambo aga gana kara asi vana gana wapere kugapombera gakara momukiunda gwendi asi vahepa kugapombera posiruwo esi tuna kara nelikwamo lyangesi, nokuhundira asi vatungimo vahepa kuruganena kumwe tuhagekese malaria. ‘’ tulipakerereni kumwe turwanese malaria gana kara asi munyengi gwetu,’’ yimo ana kutanta.

*[email protected] *

The post Malaria momukunda gwaZambezi guna kanduka dogoro 33 349 appeared first on New Era.