Epangelo ota li lwifa omukifi wekondo nelaka… Zaamwani a talela po Zambezi
AI summary
Epangelo ota li longo noudiinini okulwifa omukifi wekondo nelaka moshilongo. Ola tula eendjidikila ponhele osho yo okukwashilipaleka kutya oimuna ya monika omukifi wekondo nelaka oya vendwa.
Omafiku ashike a talala, Minista wounamapya, eeshi, omeva nomatalululo omadu Inge Zaamwani okwa talela po oshitukulwa shaZambezi nelalakano lokuninga omapekapeko nokutala nghene onghalo yomukifi wekondo nelaka tai li nyenge osho yo omaupyakadi ovaafaalama va taalela nonghene vena okuyandja omakwafo.
Ouministeli owa holola kutya Minista okwa talela po eenhele ngaashi Nkabolelwa osho yo Luhonono moshitukulwa shaZambezi opo a tale kutya ovanambelewa ovo va tuminwe kepangelo onomenawina okukondeka omukifi wekondo nelaka otave shi endifa ngahelipi.
Ovanambelewa ova li va tumwa okudja kouministeli okutala omalinyengo oinamwenyo moshitukulwa, okukwashilipaleka kutya ovanhu itava pitifa ombelela okutwala koitukulwa ikwao osho yo okukondeka omukifi wekondo nelaka moshitukulwa.
Okudja nombelela moshitukulwa shaZambezi noitukulwa ikwao unene oyo ya monika omukifi wekondo nelaka ngaashi Kharas osha ngabekwa manga.
Pefimbo letalelepo laye, minista okwa lombwelwa omashongo oo oshitukulwa sha talela ngeenge tashiya poku kandeka omukifi wekondo nelaka, ngaashi oilongifo yoku keelela omukifi oshoyo oku kwafela peebolock dopokafimbo odo daningwa moshitukulwa.
Minista okwa yelifilwa yoo kutya natango oshitukulwa osha pumbwa otima ina eenghono oshoyo yovanhu vahapu oku kwafela shaashi paife oshitukulwa oshina ashike ovanhu ovatano ovo tava kwafele okulonga noshikumungu shomukifi wekondo nelaka.
“Ouyelele onde wuuda, shike onda hala oku yelifa kutya oimisteli otaufi oshisho kutya oilongifo oyo oya fika moshitukulwa oshivike eshi,” Minista ta ti.
Okwa twikila kutya natango otava kakuta lela ovanambelewa vahapu vaka kwafele pomataulukilo oshoyo peeboloka odo da tulilwapo omukifi ou kepangelo.
Zamwaani natango okwa ninga yoo onghendabala yoku talelapo omikunda da yooloka moshitukulwa oko aka shakena nova nafaalama va yooloka, yee teva lombwele nghee vena oku li humbata pefimbo eli, voo tava twikile noku fila oimuna yavo oshisho, kutya oya amenwa yoo ovali kaili mekwatafano noimuna ei tai yandje omadidiliko.
“Natango onda hala yoo oku pandula ovanafaalama ava ava valopota omadidiliko oimuna yavo meendelelo kepangelo, shaashi oku keelela oku dule okupanga,” Minista ta ti.
Okwa wedapo yoo kutya epangelo otali kendabala fiyo opapa tali dulu opo lifye oshisho kutya oimuna oya amwenwa oshoyo ovanhu, fiyo tava tale kutya omukifi ou ota xulile naana fiyo openi.
The post Epangelo ota li lwifa omukifi wekondo nelaka… Zaamwani a talela po Zambezi appeared first on New Era.
Follow the story
About this article
- Length
- 375 words · 2 min read
- Published
- October 28, 2026
- Byline
- Taimi Haihambo
- Source
- New Era Namibia