Omukainhu moipandeko eshi vati a twa omulumenhu nombele

Omukainhu weedula 36 okwa kwatwa po mexuliloshivike eshi vati a monifa oshiponga omulumenhu sha landula eshi emu twa nombele.

Oshiningwanima osha ningwa kodoolopa ya Walvis Bay efimbo loufiku, mexuliloshivike.

Ota pangulilwa oshibofa shonghendabala yedipawo. Opolifi oya hokolola tai ti omulumenhu o u okwa tuwa nombele lwoikando ya yooloka mombuda.

Okwa tambulilwa koshipangelo ta mono epango lopaunamiti.

Omupopiliko wopolifi omupedu komufala Kauna Shikwambi okwa koleka onghundana e i. Oshiningwanima shikwao, ovalumenhu vavali ova tambulilwa moshipangelo shaNandjokwe tava mono epango lopaunamiti eshi va tuwa nombele pondingosho komulumenhu weedula 36 ou kwa li tava nu naye.

Oshiningwanima osha ningwa mexuliloshivike komukunda Amilema efimbo longuloshi moshitukulwa shaShikoto.

Opolifi oya hokolola tai ti omufekelwa naye okwa tambulilwa moshipangelwa molwaashi okwa monifwa oshiponga pefimbo a li tatu ovalumenhu ovo nombele.

Otaku hokololwa kutya ovalumenhu ava ova tameka tava tanguna fiyo tashi eta olwoodi pokati kavo.

Oshiwana osha kumaidwa opo shi xulife po okutanguna ngeenge shi li peendingosho shaashi otashi dulu okueta oiponga nomafyo.

Oshiponga shomundilo

Okaana keedula heyali oka xupa moshiponga shomundilo osho sha holoka mexuliloshivike pefimbo kwa li taka ndjeneke oikulya yavo kefiya lohaasa.

Oshiningwanima osha ningwa molukanda Uupindi mOshakati efimbo lokomatango mexuliloshivike.

Otaku hokololwa kutya efiya lohaasa ola topa oshimoko, naashi osha eta eumbo alishe leenduda nhatu li pye po.

Opolifi oya ti elao linene okaana ina ka mona oshiponga molwaashi oka endelela kaye pondje. Ovadali ova kumaidwa opo va xulife po okukala tava pitike ounona va tema omafiya eehasha shaashi osha nyika oshiponga ngeenge okaana taka longifwa okutema omundilo.

*[email protected] *

The post Omukainhu moipandeko eshi vati a twa omulumenhu nombele appeared first on New Era.