Omupolifi a yashwa nondjebo otaka mona exungomwenyo

OSHAKATI- Omukulunhu wopolifi moshitukulwa shaShana Commissioner Andreas Shilelo okwa ti omupolifi ou a yashwa nondjebo nokumonifwa oshiponga ota ka pewa omayakulo exungomwenyo. Nakuningwa oshihakanwa, omukainhu weedula 34 okwa lekelwa moshipangelo paife Etivali nokuli keumbo manga ta veluka.

Okwa yashwa komutwe konima eshi a ponokelwa meumbo laye li li kOshakati konima yoivike itatu efimbo lokeengula.

Shilelo okwa koleka ta ti fiyo opapa kape na omunhu a kwatwa po mekwatafano loshikumungu shomupolifi womukainhu oo a yashwa nodjebo.

Okwa yelifa ta ti omukainhu ou oku li te li yambe onga omunambelewa wopolifi ovo hava longo tave li yambe.

“Paife nakuninga oshihakanwa ota dulu okupopya. Ota ka ningilwa omapulapo opo a yandje ouyelele kombinga yoshikumungu eshi,” ta ti.

Okwa yelifa ta ti ongodi ya nakuninga oshihakanwa paife oya twalwa ko MTC

nelalakano lokuninga omakonakono kutya olye a li naye mekwatafano te mu ningile omatilifo ile tava tanguna.

“Opolifi otai longo nondjungu okukala ya ninga omakonakono omoule kombinga yoshikumungu eshi. Omufekelwa okuna ashike okukala a monika ndele ta kwatwa po,” ta ti. Okwa pula oshiwana kwau e na ouyelele kombinga yoshikumungu eshi opo shi lopotele opolifi keshe i li popepi.

“Osha fimana ngeenge oshiwana tashi longele kumwe nopolifi okuyandja ouyelele shaashi otashi kwafele okukandeka oimbuluma,” ta ti.

*fhamalwa@nepc.com.na *

The post Omupolifi a yashwa nondjebo otaka mona exungomwenyo appeared first on New Era.