Ohanana ya kupulwashi pondingosho

OSHAKATI- Okwe li tuwa ohanana yokakadona ina oivike ivali ya e kelwashi pondingoshi molukanda Uupindi mOshakati.

Otaku hokololwa kutya ina vati okwa faduka po konima yokuekelashi ohanana.

Oshiningwanima osha ningwa oshivike sha dja ko efimbo loufiku.

Omupopiliko wopolifi moshitukulwa shaShana Chief Inspector Aiyambo Thomas okwa koleka oshiningwanima eshi.

Okwa ti okaana oke li moshipangelo shaShakati metonatelo lovapangi noke li monghalo iwa.

Thomas okwa hokola ta ti okaana oke li tuwa ke li moshikelive ta ka kwena kovanhu ovo va hangika tava ende pondingosho opo.

“Fiyo opapa ina tu mona ouyelele kombinga yaina yokaana aka,” ta ti.

Okwa yelifa ta ti opolifi oya ya koradio lwoikando ya yooloka tai kongo ina yokaana ashike ina monika.

Okwa pula moshiwana kwau eshi omukainhu kwa li e na eteelelo ndele ke li na vali opo va lopotele opolifi keshe i li popepi.

“Ovalumenhu ngeenge omu na omukainhu kwa li a pewa eteelelo ndele kena sha vali okaana lopoteleni opolifi molwaashi okaana oka pumbwa ina,” ta ti.

Opolifi oya ti okwa didilikwa ounona va ninga oihakanwa yokukupulwashi kovakainhu.

Onghee ovakainhu otava kumaidwa opo va kale tava twala ounona kovaxungimwenyo koipangelo ngeenge tava hepekwa koupyakadi wopamadilaadilo molwashi okukupulashi okaana ka kushi ekandulepo lomukundu.

fhamalwa@nepc.com.na

The post Ohanana ya kupulwashi pondingosho appeared first on New Era.