Oilongo ya fika po 43 oyo hai teke omahooli ko Middle East, mwa kwatelwa Namibia onghene ngaho tai twikile nokulya tai pi shaashi ondado yomahooli oyo ya ninga eemwedi da fika puhamano paife a londa molwa oita pokati kaUnited States, Israel naIran. Oita, oya kwata nee oshitukulwa sho Middle East mo Strait sha Hormuz omo mu na endiki eli hali di omahooli oo haa tekwa koilongo ihapu yomu Africa osho yo oilongo imwe po mounyuni.
Oshikumhungu shomahooli osha kwata moshipala endiki e li shaashi eetenga dimwe oda monifwa oixuna komahooli oo.
Noku li efimbo limwe ihaa kala a wana lela ngaashi e na okukala, eendjila dihapu nado ita di endwa vali molwa oita osho sha ya moshipala eembuatu dokututa omahooli di dule okupitifa omahooli da manguluka.
Oilongo ihapu yomu Africa e i ya kwa twa koshikumhungu eshi ongaashi Namibia, South Africa, Malawi, Zambia, Tanzania, Rwanda, Lesotho, Kenya na Mozambique.
Ouministeli woikwanghono, noikwamina owa kala noku yandja ouyelele unasha nomahooli eemwedi da dja ko.
Omwedi ou, omupopiliko wouminsteli Anna Salkeus okwa yandja etumwalaka moshiwana kutya natango ondado yomahooli otai ka wedelwa keembinga adishe doshilongo.
Okwa yelifa kutya omahooli o petrol ota a kalonda neesenda o N$0.60 koliitela, omahoolo o disel ota a kalonda no N$1.60 koliitela. “ Ko Walvisbay omahooli opetrol otaa ka londa no N$25.08 moliitela, omanga oDiesel 50ppm tai ka londa no N$27.86 yo o 10ppm otai ka londa no N$27.96 moliitela,” ta ti. Okwa twikila kutya omayooloko aa meendado domaholi otaa kaya moilonga okudja nena. Salkeus okwa yelifa kutya ouministeli otau longo noudiinini okukonaakona oshikumhungu eshi osho yo oku uya po neendjidikila dipe odo tadi dulu oku kwafa elondo lomahooli.
*-taimihaihambo2000@gmail.com *
The post Oita koMiddle East natango otai londeke ondado yomahooli appeared first on New Era.
