Okamatyona oko vati ka dipaa omukulupe natango oke li mokakuma

Omukulunhu koshikondo shokukonakona oimbuluma moshitukulwa shaMusati omupedu komufala Zacharia Amakali okwa koleka ta ti okamatyona keedula 15 oko taka tamanekwa kutya vati oka dipaa omukulupe weedula 60 natango oke li modoolongo taka ningilwa omakonakono.

Oka nyenwa omhito yokulifutila mo modoolongo eshi ka holoka momhangu yamengestalata waUtapi omwedi wa djako.

Oshibofa osha undulilwa komudo tau ya.

Omutamanekwa ou oku li mondodo onhi-6.

Oshiningwanima osha ningwa omwedi wa dja ko komukunda Onheleiwa moshikandjohoololo shaEtayi, efimbo lokonguloshi.

Nakufya okwa tongolwa oye Fried Hamufungu omukalimo womomukunda Onheleiwa.

Otaku hokololwa kutya okamatyona aka oke li omushiinda womukulupe ou.

Opolifi oya hokolola tai ti okamatyona aka oka ya meumbo lomukulupe nelalakano lokuvaka.

Vati oka ya monduda yokunangala yomukulupe ndele ta ke mu denge noshitenda komutwe.

Opolifi oya hokolola tai ti nakuninga oshihakanwa okwe li denge fiyo ta xulifa.

Otaku hokolola kutya okamatyona aka oka kufa mo omaliko ngaashi ongodi yomukulupe.

Okwa didilikwa oumatyona paife va ninga oihakanwa yokulonga oimbuluma osho shi li tashi limbilike unene, notashi ulike efano lii.

Opolifi oya kumaida ovadali opo va kale tava xungile nounona vavo okuva longa outeku osho yo efimano lomifyuululwakalo nghene ve na okuliumbata.

[email protected]

The post Okamatyona oko vati ka dipaa omukulupe natango oke li mokakuma appeared first on New Era.