Abraham Mwanyekange

Omaudano osekundefikola Eengedjo moshitukulwa shaHangwena neudo otaa ka kala okudja 11 fiyo 12 Juli.

Omaudano otaa ka danenwa pokapale komaudano pofikola.

Eengedjo odili moshikandjohongo Endola moshitukulwa shaHangwena.

Eefikola adishe oda teelelika dika kufe ombinga nokuhanganifa ovanafikola.

Timoteus Haiduwa omuunganeki womaudano mEengedjo okwa ti elalakano lokuninga omaudano ei okux umifa komesho omikalo, oundjolowele uli nawa, efimaneko osho yo okwoongaleka ovanhu okupitila momaudano.

“Omaudano otaa yandje omhito kovanafikola opo va shiive okuyambula po omaunongo avo. Molwa eefikola ta didi keenhele da yoolokafana dina omaukwatya ado okufiyafana po nena ovanafikola ota ve li hongo shi hapu,” ta ti.

Eefikola neudo ota di fiyafana po momaudano ngaashi okatanga komokambaba, okatanga kokeemadi kootate naaka koomeme, osho yo o volleyball.

Haiduwa okwa ti ota pandula molwaashi omaudano avo oha e vape omafindano mahapu.

“ Mopaife ngeenge owa tale keshe kodula oha tu yandje ovahongwa vahamano vokatanga komokambaba, vatatu ovokatanga kokeemadi kootate vaka kalele po oshitukulwa shetu komaudano opashiwana,” ta ti.

Haiduwa okwa ti omaudano okomudo ohaa nghonopaleke yo ovanhu vopomudingonoko.

Okwa ti ovanangeshefa vashona oha va pewa omhito opo va landife oilandifomwa yavo vo veli monenesha shomondjato.”

“Ofikola oha i monomo ouwa wokutunga po edina layo, elongelokumwe osho yo okuyakulafana pehongo,” ta ti.

Okwa ti ovadeuli vahapu oha va yi va ka konge ovadani pefimbo lomaudano. Novadani vahapu hava danene peendodo do pombada omo va monikila momaudano Eengedjo. Omudani umwe a dililila kosekundefikola yEengedjo o Anna Kasper oo ha danene oshilongo metanga lomokambaba.

Ehangano lo Classic Sports betting olo la kwashilipaleka omaudano oo meyambidido louministeli wehongo mOhangwena.

Ouministeli ohau longifa omaudano okuyambula po omidingonoko moshilongo

-amwanyekange@nepc.com.na

The post Omaudano kEengedjo okuli muJuly neudo appeared first on New Era.