Shiponga ta shiki eengalo tadi yandje omukumo

**Hambeleleni Daniel **

Elias Ndjabeka la shiivika nawa nedina lokembako Shiponga okwa pitifa oAlbum i pe tai ufanwa “ Eshito laKalunga”.

Shiponga oku li omushikingalo ena oulema womesho, noalbum yaye ipe ei opo apitifa ota i popi ashike kombinga yonghalo yaye omo aenda nomonghalo omo eli. Ongalo ei ota ku hokololwa ya ku ma vahapu komitima.

Shiponga okwa ti ngeenge omunhu oku li ta lumbu noulema wonhumba ita shiti ita dulu oku ninga sha, ashike okwa pumbwa ashike oku kala eena elineekelo muye mwene.

Okwa twikila kutya keshe umwe eshi a shitwa kalunga okweshi ningwa nelalakano.

‘Eshito laKalunga’ oyo oalbum yaye yotete noya pita mo30 yaKotoba neudo.

Eshito laKalunga oya umbata eengalo o16 dayooloka noda tulwa kumwe ku Devymore wo Katope Studio.

Shiponga moalbum yaye okwa longa novashikingalo vakwao vashiivika nawa mowela ngashi, Nessy Shapama, K-Star naKing Success.

Okwa ti oalbum yaye oye mupula eemwedi mbali opo akale eimana.

“Oupyakadi umwe wakala wa taalela nge moku etapo oalubum yange ei okuya kostudio oufiku molwaashi ame ondina oulema womesho ihandi monoko naalushe onda pumwa omukwafi akwatenga komhango,” Shiponga ta yelifa.

Shiponga okwa ti yee odalele yo mOmatunda moshitukulwa shaHangwena ashike mopaife oku li omukalimo wokoWindhoek.

Okwa ti oha imbi unene eengalo ndo Afro.

Kakele keengalo, Shiponga okuli yo omunangeshefa .Okuna oumbidja tava landifwa vashangwa “God Creation” tava hangika pOkatope Record po opo ngaho pena ouCD noUSB vaye.

Oalbuma ei Shiponga okwe ipitifa ashike oshali pOkatope Studio.

Devymore okwa holola Kundana kutya okwa kwafa Shiponga a pitife eengalo daye oshali nonande hava pula ngaho ofuto ngeenge omunhu a hala okupitifa eengalo daye.

Ta ti eshi okwe shi ninga okudja komutima waye opo a kwafele Shiponga molwaashi oku na oshitalendi noku li omunanghundi womesho.

“Shiponga okwa pitifa ashike oinima yaye aishe oshali kutya nee orecord, oalbum, CD, oku koshifa mo nokulandifa,” ta ti.

Shiponga okwa ti okwa kala a taalela omashongo ngaashi ovanhu vemu udanekela omakwafo mokushika eengalo ndelo ina va wanifa po omaudaneko avo.

“Ohandi pandula Davymore womumwameme shalongo nde mushakenekele ngeno ponghatu apa ndili inandifikapo nena eli,” ta ti.

Okwa wedapo kutya Devymore Kalunga nemuyambeke alushe, Shiponga taholola olupandu.

Okwa ti yee manga amona Devymore temukwafa ngaha opuwo oulema itau imbi vali aulike ounongo waye.

Shiponga okwa ti eengalo daye ota di monika kepandja lokomalungula ngashi koYou Tube.

Naxuninwa Shiponga okwa pula epangelo oshoyo ovanageshefa opo va waimine Devymore vadule oku mu kwafa opo apule natango komesho.

*[email protected] *

The post Shiponga ta shiki eengalo tadi yandje omukumo appeared first on New Era.