Ehangano olo hali futile ovalihongi ledina Namibia Students Financial Assistance Fund (NSFAF) ola patulula vali omhito imwe yokuninga omaindilo okufutilwa elihongo pamalungula neudo. Omhito ei onhinhatu noi li yaxuuninwa, tai yandje omhito kovalihongi va ninge omaindilo eyambidido lopashimaliwa. Omaindilo aa otaa tameke nena fiyo omomafiku 07 Oktoba 2026, she likolelela komukanda wa yandjwa koministeli yehongo. […] The post NSFAF a yandja vali omhito yomalishangifo appeared first on The Namibian
Ehangano olo hali futile ovalihongi ledina Namibia Students Financial Assistance Fund (NSFAF) ola patulula vali omhito imwe yokuninga omaindilo okufutilwa elihongo pamalungula neudo.
Omhito ei onhinhatu noi li yaxuuninwa, tai yandje omhito kovalihongi va ninge omaindilo eyambidido lopashimaliwa.
Omaindilo aa otaa tameke nena fiyo omomafiku 07 Oktoba 2026, she likolelela komukanda wa yandjwa koministeli yehongo.
Omukulunhuwiliki wehongo, Mbumba Erastus Haitengela, edi okwe di shiivifa momukanda oshivike sha dja ko.
“Ondodo ei yaxuuninwa omhito yovalihongi ovo va hanga okufutilwa ashike inava dula okumona omhito mondodo yotete nonhivali yomaindilo va ninge omaindilo oshimaliwa shelihongo momudo 2026,” Hatengela ta ti.
Ovaningi vomaindilo ova pulwa va ninge omaindilo avo moule wefimbo la yandjwa ndee tava kwashilipaleke kutya ouyelele aushe wa pumbiwa nomikanda oda wanifwa po.
Ovalihongi koiputudilo aishe kutya nee oyo yo yopaungoba va tambulwa muSeptemba navo otava indilwa va ninge omaindilo, ngee ova wanifa po oinima aishe ya pumbiwa.
Oministeli oya indila elelo lovalihongi li vatele li a djakaneke ouyelele nokutwa ovalihongi omukumo ovo inava ninga omaindilo natango va longife omhito ei yaxuuninwa.
Ovalihongi va hala eyambidido lopashimaliwa otava dulu okuninga omaindilo avo pamalaungula.
The post NSFAF a yandja vali omhito yomalishangifo appeared first on The Namibian.
