OSHAKATI- Omulumenhu weedula 23 vati okwa li takendabala okukufa ko oshimaliwa kongodi yomupolifi konima eshi e mu pula ekwafo opo a dengeko kongodi yaye ndele mboli okuna elalakano lokuvaka. Oshiningwanima osha ningwa oshivike sha dja ko kendiki lomangeshefelo koGame mOshakati. Omukulunhu wopolifi moshitukulwa shaShana Commissioner Andreas Shilelo okwa koleka oshiningwanima eshi. Otaku hokololwa kutya omulumenhu... The post Omulumenhu kwali ta kendabala okukufa ko oshimaliwa kongodi yomupolifi
OSHAKATI- Omulumenhu weedula 23 vati okwa li takendabala okukufa ko oshimaliwa kongodi yomupolifi konima eshi e mu pula ekwafo opo a dengeko kongodi yaye ndele mboli okuna elalakano lokuvaka.
Oshiningwanima osha ningwa oshivike sha dja ko kendiki lomangeshefelo koGame mOshakati. Omukulunhu wopolifi moshitukulwa shaShana Commissioner Andreas Shilelo okwa koleka oshiningwanima eshi.
Otaku hokololwa kutya omulumenhu ka kwa li eshi ngeenge mwene wongodi omupolifi molwaashi ina djala omudjalo woilonga.
Konima eshi vati omulumenhu ou a pewa ongodi komupolifi okwa ya momatumwalaka ndele te li tumine etumwalaka kongodi yaye la dja kombaanga li na oshimaliwa.
Otaku hokololwa kutya mwene wongodi okwa endelela ndele te shi mono kutya mboli omulumenhu ou ombudi.
Okwa kufa ko ongodi yaye divadiva ndele.
Efiku tuu olo, natango lwopotundi 14h00, omulumenhu tuu ou natango okwa ya kendiki lomangeshefelo kEtango ndele ta nyeke omunhu ongodi yaye. Okwa faduka po nokonima ovakwashiwana va hangika ponhele opo ova tamake okutaata omulumenhu ou.
Otaku hokololwa kutya opolifi oya dengelwa ndele tai waimine oshiwana okutaata omulumenhu ou.
Opolifi oya hokolola tai ti eshi omupolifi kwa li ta kendabala okupopya nomulumenhu ou kutya na yandje ongodi yovanhu, okwa kufamo ombele yaye.
Otaku hokololwa kutya okwa li a hala okutwa omupolifi nombele.
Opolifi oya hokolola tai ti okudja opo omupolifi okwa kufa mo ondjebo yaye ndele vati ta yashe omulumenhu ou komutwe.
Kouyelele wa dja kopolifi, otaku hokololwa kutya omulumenhu ou okwa twalwa koshipangelo shaShakati opo a ka mone epango lopaunamiti.
Okwa xulifa shike moule wovili eshi a fika moshipangelo. Opolifa oye weda po kutya natango omulumenhu ou okwa hangika e na ongodi imwepo i li mondjato yaye, omo taku feekelwa kutya pamwe okwei nyeka omunhu.
Okwa tongololwa oye Titus Titu, a dja molukanda Uupindi mOshakati.
Oshiwana osha kumaida opo shixulife po okuyandja eengodi davo kovanhu va denge ko shaashi ovanhu paife ove li ninga eengangala.
The post Omulumenhu kwali ta kendabala okukufa ko oshimaliwa kongodi yomupolifi appeared first on New Era.
Follow the story
